વિશ્વ ઝડપથી બદલાઈ રહ્યું છે, ટેકનોલોજી, અર્થતંત્ર અને રાજકારણની દુનિયામાં દરરોજ નવા પાયાં પડતાં જોવા મળે છે. નવી શોધો, વેપાર કરાર અને વૈશ્વિક તણાવ વચ્ચે એક દેશ છે જે શાંતિથી પણ દૃઢતાથી પોતાની દિશામાં આગળ વધી રહ્યો છે.
ચીનની નાણાકીય રમત
ચીન વર્ષોથી અમેરિકન ડૉલર ઉપરની નિર્ભરતા ઘટાડીને પોતાના ચલણ યુઆન પર આધારિત વૈશ્વિક વ્યવહાર બનાવવાનો પ્રયાસ કરી રહ્યું છે. અનેક એશિયન અને આફ્રિકી દેશોએ ભાગરૂપે યુઆનમાં વેપાર શરૂ કર્યો છે. પરંતુ હકીકતમાં, આ દેશો ચીનની આર્થિક પકડમાં વધુ ફસાઈ રહ્યા છે.
સત્ય એ છે કે અમેરિકન ડૉલર હજી પણ વિશ્વનું મુખ્ય ચલણ છે. વિશ્વના 58% વિદેશી રિઝર્વ્સ હજી ડૉલરમાં જ છે. એટલે કે, યુઆન માટે ચીન માહોલ બનાવી રહ્યું છે, પરંતુ ડૉલરનું રાજ હજી યથાવત છે.
અમેરિકાની મજબૂતી અને એઆઈનો ઉછાળો
અમેરિકા હજી પણ નવીનતાનું કેન્દ્ર છે. આર્ટિફિશિયલ ઇન્ટેલિજન્સ (AI) એ હવે તેની નવી શક્તિ બની ગઈ છે.
NVIDIA જેવી કંપનીઓએ માત્ર એક જ વર્ષમાં આવક બમણી કરી છે. તેની માર્કેટ વેલ્યુ 2025માં 5 ટ્રિલિયન ડૉલર સુધી પહોંચી ગઈ. Microsoft, Google અને Amazon જેવી ટેક દિગ્ગજો પણ 20-50% સુધી AI આધારિત વૃદ્ધિ જોઈ રહ્યા છે.
અમેરિકામાં કુલ AI રોકાણમાં 76% નો વધારો થયો છે, જે હવે 600 બિલિયન ડૉલર સુધી પહોંચ્યું છે. આ ઉદ્યોગે વૈશ્વિક હોડ શરૂ કરી છે, જો કે કેટલાક નિષ્ણાતો ચેતવણી આપે છે કે આ ઉછાળો “બબલ” સાબિત થઈ શકે છે, જેમ ઈન્ટરનેટ યુગની શરૂઆતમાં થયું હતું.
ભારતનો ઉછાળો — ધીમો પણ દૃઢ
અમેરિકા અને ચીન વચ્ચેની સ્પર્ધા વચ્ચે ભારત પોતાની અનોખી દિશામાં આગળ વધી રહ્યું છે. ભારતે રૂપિયાને આંતરરાષ્ટ્રીય ચલણ તરીકે સ્થાપિત કરવાની પ્રક્રિયા શરૂ કરી છે. આજ સુધી ભારતના આશરે 5% આંતરરાષ્ટ્રીય વ્યવહારો રૂપિયામાં થવા લાગ્યા છે, જે બે વર્ષ પહેલાં માત્ર 1% હતા. લક્ષ્ય છે, 2030 સુધી આ આંકડો 15% સુધી પહોંચાડવાનો.
આ નાનું દેખાતું પગલું, હકીકતમાં આર્થિક સ્વતંત્રતાની મોટી કૂદકો છે. ભારત હવે માત્ર વૈશ્વિક અર્થતંત્રનો ભાગ નથી. તે એની દિશા નક્કી કરી રહ્યું છે.
સંતુલનની કળા
ભારતની રાજદૂત નીતિ એની સૌથી મોટી તાકાત છે. જ્યારે અમેરિકા અને ચીન વચ્ચે તણાવ વધી રહ્યો છે, ત્યારે ભારત બંને સાથે સંતુલિત સંબંધ જાળવે છે — ટેકનોલોજીમાં અમેરિકાની સાથે સહકાર અને ઉત્પાદન ક્ષેત્રે ચીન સાથે વ્યવહાર.
આ સંતુલન ભારતને વૈશ્વિક મંચ પર અનોખું સ્થાન આપે છે.
વિશ્વનો વિશ્વાસ હવે ભારતમાં
વિશ્વના રોકાણકારો માટે ભારત હવે વિશ્વાસ અને તકોનું કેન્દ્ર બની ગયું છે. 6% થી વધુ GDP વૃદ્ધિદર, યુવા વસ્તી, વધતો મધ્યમ વર્ગ અને નવી ઉદ્યોગસાહસિક વિચારધારા ભારતને આગામી દાયકાનું શક્તિશાળી અર્થતંત્ર બનાવે છે.
સિરામિક્સ, દવાઓ, ઈજનેરી અને ખાદ્ય ઉત્પાદનોમાં ભારતના નિકાસ સતત વધી રહ્યા છે.
સોનું, ટ્રમ્પ–શી બેઠક અને વૈશ્વિક સંકેતો
તાજેતરમાં સોનાની કિંમત $4,300 પ્રતિ ઔંસ સુધી પહોંચી હતી, ત્યારબાદ ઘટીને $4,000 સુધી આવી ગઈ.
આ ઘટાડાનું કારણ હતું ડોનાલ્ડ ટ્રમ્પ અને શી જિનપિંગ વચ્ચે થયેલી બેઠક જ્યાં વેપાર વિવાદ ઉકેલાયાની જાહેરાતથી બજાર થોડું શાંત થયું. પરંતુ હકીકતમાં તણાવ હજી સમાપ્ત થયો નથી; ચીન હાલ “રાહ જોવાની” નીતિ અપનાવી રહ્યું છે.
ભારત ચમકે છે
વિશ્વમાં પરિવર્તનોની વચ્ચે ભારત વિશ્વાસ, સ્થિરતા અને સંતુલનનું પ્રતિક બનીને ઉભું છે.ચીન શક્તિ બતાવવા માગે છે, અમેરિકા નવી શોધો દ્વારા પોતાને ફરી ગઢી રહ્યું છે, અને ભારત શાંતિથી, પરંતુ મજબૂત રીતે, પોતાનો માર્ગ બનાવી રહ્યું છે.ભારત હવે કોઈના પગલાં પર નથી ચાલી રહ્યું. ભારત હવે વિશ્વને માર્ગ બતાવી રહ્યું છે.
Secretary — InGlobal Business Foundation (IBF)
Director — ReNis Agro International LLP, Ahmedabad, India
Subscribe Deshwale on YouTube
