મહારાષ્ટ્ર સરકાર રાજ્યના યુવાનોને વિશ્વસ્તરીય કૌશલ્ય તાલીમ આપવા સિંગાપોરની તર્જ પર એક ગ્લોબલ સ્કિલ ડેવલપમેન્ટ સેન્ટર બનાવશે. કૌશલ્ય વિકાસ મંત્રી મંગલપ્રભાત લોઢાએ સિંગાપોરના કોન્સ્યુલ ઓંગ મિંગ ફંગ સાથે આ મુદ્દે ચર્ચા કરી હતી.
સિંગાપોરના મોડેલ પર કામ કરશે મહારાષ્ટ્ર
સિંગાપોરની ઇન્સ્ટિટ્યૂટ ઓફ ટેકનિકલ એજ્યુકેશન (ITEES) જેવી સુવિધાઓ મહારાષ્ટ્રમાં ઉભી કરવામાં આવશે. આ સેન્ટર દ્વારા યુવાનોને રોબોટિક્સ,એઆઈ, ઔદ્યોગિક ટેકનોલોજી અને બહુરાષ્ટ્રીય કંપનીઓમાં કામ કરવાની તાલીમ મળશે.
લોઢાએ જણાવ્યું કે, “કાનૂની પ્રક્રિયા પૂર્ણ થયા બાદ ટૂંક સમયમાં આ પ્રોજેક્ટ શરૂ કરવામાં આવશે.” સિંગાપોરના કોન્સ્યુલે પણ આ યોજનાને સમર્થન આપ્યું છે.
યુવાનો માટે નવી તકો
આ સેન્ટર દ્વારા મહારાષ્ટ્રના યુવાનોને ગ્લોબલ લેવલની જોબ માર્કેટમાં સ્થાન મળશે. સિંગાપોરની સંસ્થાઓ સાથે એમઓયુ પર હસ્તાક્ષર થશે, જેથી વિદ્યાર્થીઓને આંતરરાષ્ટ્રીય એક્સપોઝર મળી શકે.
કૌશલ્ય વિકાસ વિભાગના અધિકારીઓએ જણાવ્યું કે, “આ પહેલ યુવાનોને મલ્ટીનેશનલ કંપનીઓમાં ઇન્ટરનશિપ અને જોબની તકો આપશે.”
આગળનાં પગલાં
ટેકનિકલ એજ્યુકેશન અને સ્કિલ ડેવલપમેન્ટ વિભાગ હવે સિંગાપોર સાથે સમજૂતી પત્ર (MoU) પર કામ કરી રહ્યો છે. આ પ્રોજેક્ટ માટે યોગ્ય સ્થળ અને ફંડિંગની ચર્ચા પણ ચાલી રહી છે. મહારાષ્ટ્ર સરકારનો લક્ષ્ય છે કે રાજ્યના યુવાનોને ફાસ્ટ-ગ્રોવિંગ ટેક ઇન્ડસ્ટ્રી માટે તૈયાર કરવા. આ પહેલથી રોજગાર અર્થતંત્રને વેગ મળશે.
