ગ્રામીણ વિકાસ મંત્રાલયના નામે ભરતી કરતી સંસ્થા દ્વારા કરાતી છેતરપિંડીભરી જાહેરાતો તરફ મંત્રાલયે સામાન્ય લોકોનું ધ્યાન દોર્યું છે. આવી એક જાહેરાત ઇન્ટરનેટ પર કાર્યરત એક વેબસાઇટ નામે, નેશનલ રૂરલ ડેવલપમેન્ટ એન્ડ રિક્રિએશન મિશન, ચલાવે છે. એ વેબસાઇટ (www.nrdrm.com), એનઆરડીઆરએમ, દાવો કરે છે કે એની કચેરી ડૉ. રાજેન્દ્ર પ્રસાદ રોડ, નવી દિલ્હી, 110001 સરનામે છે. આ અને અન્ય વેબસાઇટ, www.nrdrmvacancy.com પણ એવી જ છે. કેન્દ્ર સરકારે એક અખબારી યાદીમાં ખુલાસો કર્યો છે કે ભારત સરકારના ગ્રામીણ વિકાસ મંત્રાલયના કાર્યક્ષેત્ર હેઠળ આ વેબસાઇટ્સ કામ કરતી નથી.
સામાન્ય જનતાને સરકારે ચેતવ્યા છે કે નેશનલ રૂરલ ડેવલપમેન્ટ એન્ડ રિક્રિએશન મિશન દ્વારા આ મંત્રાલય અને અથવા તેના અધિકારીઓના નામે કથિત રીતે કરવામાં આવતી કોઈપણ ભરતી પ્રવૃત્તિઓ છેતરપિંડીભરી ગણી શકાય અને સરકાર તેનું કોઈ સમર્થન કરતી નથી.
ગ્રામીણ વિકાસ મંત્રાલય તેની ભરતી પ્રક્રિયાના કોઈપણ તબક્કે કોઈપણ પ્રકારની ફી અથવા અન્ય ફી વસૂલતું નથી. એ અરજદારોનાં બેન્ક ખાતાંઓની માહિતી પણ માગતું નથી. ઉપરાંત, આ વિભાગમાં ભરતી અંગેની માહિતી તેની સત્તાવાર વેબસાઇટ એટલે કે rural.gov.in પર યોગ્ય રીતે પોસ્ટ કરવામાં આવે છે.
તો, ભૂલમાં પણ આ નકલી વેબસાઇટ પર અરજી કરીને કે પૈસા ભરીને છેતરાશો નહીં.
