દક્ષિણ મુંબઇનાં ગિરગામમાં મહિલાઓની સિંદૂર યાત્રા દરમિયાન હજારો મહિલાઓએ ભારતના વિરોધી અને પાકિસ્તાનને ટેકો આપતા ચીન અને તુર્કી જેવા દેશોના માલનો બહિષ્કાર કરવાની શપથ લીધી હતી. વીરમાતા અનુરાધા ગોર અને સામાજિક કાર્યકર ડૉ. વારે મંજુ લોઢાના નેતૃત્વમાં ભારતીય સૈનિકોના સન્માનમાં નીકળેલી મહારાષ્ટ્રની પ્રથમ સિંદૂર યાત્રા મણિ ભવન ચોક અને હીરોઝ ઓફ કિલાચંદ ઉદ્યાન સુધીની શોભાયાત્રા દરમિયાન ગિરગાંવ વિસ્તાર દેશભક્તિના નારાઓથી ગુંજી ઉઠ્યો હતો.
કાશ્મીરના પહેલગામમાં આતંકવાદીઓના કાયર હુમલામાં નિર્દોષ પ્રવાસીઓએ જીવ ગુમાવ્યા હતા. ભારતીય સૈનિકોએ આતંકવાદ સામે ‘ઓપરેશન સિંદૂર’ અમલમાં મૂકીને આતંકવાદને પ્રાયોજિત કરનારા પાકિસ્તાનને યોગ્ય જવાબ આપ્યો. આ પૃષ્ઠભૂમિમાં, ભારતીય સૈનિકોના સન્માનમાં, વીરમાતા અનુરાધા ગોર અને સામાજિક કાર્યકર ડૉ. મંજુ લોઢાના નેતૃત્વમાં ગિરગાંવ વિસ્તારમાં સિંદૂર યાત્રા કાઢવામાં આવી હતી. લાલ સાડી પહેરીને અને હાથમાં રાષ્ટ્રધ્વજ પકડીને હજારો મહિલાઓએ દેશભક્તિના નારા લગાવતા આ શોભાયાત્રામાં ભાગ લીધો હતો. મહારાષ્ટ્રમાં પહેલીવાર ભારતીય સૈનિકોને શ્રદ્ધાંજલિ આપવા માટે મહિલાઓના નેતૃત્વ હેઠળ સિંદૂર યાત્રાનું આયોજન કરવામાં આવ્યું હતું.
આ પ્રસંગે બોલતા વીરમાતા અનુરાધા તાઈ ગોરે કહ્યું, “શહીદોનું બલિદાન ક્યારેય વ્યર્થ જતું નથી, પરંતુ તેમાંથી ઘણા વીરોનું નિર્માણ થાય છે. ભારત વીરોની ભૂમિ છે અને મહિલા શક્તિએ હંમેશા તેમની પડખે ઊભા રહેવું જોઈએ.”
ડૉ. મંજુ લોઢાએ કહ્યું, “ભારતીયો તેમની સેનાને ખૂબ પ્રેમ કરે છે, પરંતુ એટલું પૂરતું નથી. દરેક નાગરિકે વર્ષમાં એક તહેવાર સૈનિકોના ઘરે તેમના પરિવારો સાથે ઉજવવો જોઈએ. આનાથી સરહદ પર તૈનાત સૈનિકોનો આત્મવિશ્વાસ વધશે.”કેબિનેટ મંત્રી મંગલ પ્રભાત લોઢાએ પણ આ સિંદૂર યાત્રામાં ભાગ લીધો હતો અને બહાદુર ભારતીય સૈનિકોને શ્રદ્ધાંજલિ આપી હતી. સૈનિકોના પરિવારો, ભૂતપૂર્વ સૈનિકો, સામાજિક સંગઠનોના પ્રતિનિધિઓ, અભિનેત્રી મેઘા ધાડે, મરાઠી ફિલ્મ ઉદ્યોગના અન્ય કલાકારો અને વિવિધ વય જૂથોની મહિલાઓએ તેમાં ભાગ લીધો હતો.
