Read inEnglishहिन्दीગુજરાતી

ગળાકાપ હરીફાઈમાં હંમેશાં સુસજ્જ રહો

By Sanjay Shah  ·   ·  1 min read
ગળાકાપ હરીફાઈમાં હંમેશાં સુસજ્જ રહો

જીવન કાચ સમું ને આ દુનિયા પથ્થર જેવી

– શર્મિલ

તમારો માહ્યલો જો કિલર ઇન્સ્ટિક્ટથી ફાટફાટ ન થતો હોય તો ચેતી જજો. ગળાકાપ સ્પર્ધાના યુગમાં દરેક માણસ હાથમાં હથિયાર લઈને ઊભો છે. હરીફને કચડી નાખવા. તમે કેટલા કાબેલ છો એ પછીની વાત છે, પહેલી જરૂરિયાત એ છે કે તમે આખી દુનિયાનો સામનો કરવા માનસિકતા ધરાવો છો કે નહીં. સ્પર્ધામાં પાછળ રહી જવું એટલું દુખદાયી નથી જેટલું કે છતી આવડતે પૂરતા પ્રયત્નો નહીં કરવા. અને હા, તમારી કાબેલિયત તમારે સતત વઘારતા રહેવાની છે. જીવન કાચ હોય તો એ કાચને તમારે સાદા, બ્રેકેબલ કાચમાંથી બુલેટપ્રુફ, અભેદ કાચ બનાવવા જીવ રેડી દેવાનો છે. નિશાન ચૂક માફ જેવી વાત છે આ. હારી જાવ, ગમ નથી પણ જો જીતવા માટે છેલ્લી પળ સુધી લડાઈ નહીં કરી તો ના ચાલે. તમારી જીતના શિલ્પી તમે જ થઈ શકો. પરિસ્થિતિ સામે ઘૂંટણિયાં ટેકવી દેનાર વ્યક્તિ માટે દુનિયારૂપી પથ્થર મરણતોલ ફટકો આપનારો થઈ જાય છે. સામે પક્ષે, પરિસ્થિતિથી વિચલિત નહીં થનાર વ્યક્તિ માટે ઘણીવાર નુકસાન કે પરાજય પણ નફા-વિજયથી વઘુ ફળદાયી બની જાય છે. સિકંદરની સામે તુમુલ યુદ્ધ લડનાર પુરુ રાજા માટે કિસ્મત છેલ્લી ઘડીએ પણ ખદલાઈ ગઈ હતી, યાદ છેને?

Liked this? Get one story a day on WhatsApp.
Join

Read next

સરદાર પટેલથી સ્ટેચ્યુ ઓફ યુનિટી સુધી: એકતાની અનંત યાત્રા પરદુ:ખે ઉપકાર કરે તોયે… – હંસા બાલકૃષ્ણ મહેતા જે પશુઘન સાચવે એને આપણે સાચવીએઃ શ્રી ચીમનગઢ પાંજરાપોળ, કાંકરેજ