અમિત શાહે એનઆઈએ તપાસના આદેશ આપ્યા, પીડિત પરિવારોને ન્યાયની ગેરંટી
ગૃહમંત્રી અમિત શાહે પહેલગામ આતંકી હુમલાની રાષ્ટ્રીય તપાસ એજન્સી (એનઆઈએ) દ્વારા તપાસના આદેશ આપ્યા છે. 26 લોકોના મોત પર શોક વ્યક્ત કરતાં શાહે જણાવ્યું: “આ માત્ર સુરક્ષા ભંગ નથી, પણ ભારતની આત્મા પર કરવામાં આવેલો હુમલો છે.” એનઆઈએ ટીમ હુમલાની જગ્યાએ ફોરેન્સિક સાબિતો, મોબાઇલ સિગ્નલ્સ અને સીસીટીવી ફુટેજની તપાસ કરી રહી છે. પ્રધાનમંત્રી નરેન્દ્ર મોદીને સ્થિતિની જાણ કરવામાં આવી છે. પીડિત પરિવારોને મુઆવજા અને શબોને તેમના મૂળ સ્થળે પહોંચાડવાની વ્યવસ્થા કરવામાં આવી રહી છે.
મોદીને કહેજો! – હુમલામાં બચેલી મહિલાનો વિલાપ
પહેલગામ આતંકી હુમલામાં કર્ણાટકના મંજુનાથ રાવ (42)ને તેમની પત્ની પલ્લવી અને પુત્રની સામે ગોળી મારી હતી. પલ્લવીએ આંસુભરી આંખોએ જણાવ્યું: મેં આતંકીને મને પણ ગોળી મારવા કહ્યું ત્યારે તેણે મને કહ્યું કે તમને નહીં મારીએ આ તમે મોદીને કહેજો!. હું મારા બાળકોને કેવી રીતે સમજાવીશ?”. આ હુમલાની જવાબદારી લશ્કર એ તયબા સાથે જોડાયેલ સંગઠન ટીઆરએફ (TRF) સ્વીકારી છે.
પાકિસ્તાને ચિંતા વ્યક્ત કરી, પણ બારામુલામાં ભારતીય સેનાએ બે આતંકવાદીઓને ઠાર માર્યા
પાકિસ્તાનના વિદેશ મંત્રાલયે પહેલગામ હુમલા પર ચિંતા વ્યક્ત કરી છે. જ્યારે ભારતીય સેનાએ બારામુલામાં 2 ઘુસણખોર આતંકવાદીઓને ઠાર માર્યા. આ ઘટના પીએમ મોદી સાઉદી અરેબિયા પ્રવાસ અધૂરો છોડીને પાછા ફર્યા બાદ બની. સેનાએ યુરી નાલા વિસ્તારમાં મોટી માત્રામાં હથિયારો જપ્ત કર્યા છે.
ઓવેસીએ પહેલગામ હુમલાને યુરી-પુલવામા કરતાં વધુ ઘૃણાસ્પદ ગણાવ્યો
એઆઈએમઆઈએમ પ્રમુખ આસાદુદ્દીન ઓવેસીએ પહેલગામ હુમલાને યુરી અને પુલવામા હુમલા કરતાં પણ વધુ ઘૃણાસ્પદ ગણાવ્યો. તેમણે પીડિત પરિવારો સાથે એકજૂથતા વ્યક્ત કરી અને આતંકવાદ સામે કડક કાર્યવાહીની માંગ કરી.
યુપીના ડેપ્યુટી સીએમ પાઠકે હુમલાને કાયરતાભર્યો ગણાવ્યો
ઉત્તર પ્રદેશના ડેપ્યુટી મુખ્યમંત્રી બ્રજેશ પાઠકે પહેલગામ હુમલાને આતંકવાદીઓની કાયરતાભર્યી કાર્યવાહી ગણાવી. તેમણે પીડિત પરિવારો સાથે સહાનુભૂતિ વ્યક્ત કરી અને સરકાર તરફથી કડક કાર્યવાહીની ખાતરી આપી.
સુરક્ષાદળોની મોટી કાર્યવાહી: પહેલગામમાં પાંચ કિલોમીટરના દાયરામાં શોધ અભિયાન
પહેલગામ હુમલા બાદ સુરક્ષાદળોએ મોટી કાર્યવાહી શરૂ કરી છે. ભારતીય સેના, સીઆરપીએફ અને જમ્મુ-કાશ્મીર પોલીસની સંયુક્ત ટીમે હુમલાની જગ્યાથી પાંચ કિલોમીટરના દાયરામાં શોધ અભિયાન ચલાવ્યું છે. હેલિકોપ્ટર દ્વારા એરિયલ સર્વેલન્સ પણ કરવામાં આવી રહી છે.
યુએઈ અને નેપાળના બે વિદેશી નાગરિકો સહિત 28 લોકોના મોત
પહેલગામના બૈસરન વેલી વિસ્તારમાં થયેલા આતંકી હુમલામાં યુએઈ અને નેપાળના બે વિદેશી નાગરિકો સહિત કુલ 28 લોકોના મોત થયા છે. 12 ઘાયલોને એઇમ્સ દિલ્હીમાં દાખલ કરવામાં આવ્યા છે, જેમની હાલત સ્થિર જણાવવામાં આવી છે.
આંતરરાષ્ટ્રીય પ્રતિક્રિયા: યુએન મહાસચિવે હુમલાની નિંદા કરી
યુનાઇટેડ નેશન્સના મહાસચિવ એન્ટોનિયો ગુતેરેસે પહેલગામ હુમલાની નિંદા કરીને નાગરિકો પર હુમલો અસ્વીકાર્ય ગણાવ્યો છે. અમેરિકા અને બ્રિટન સહિત અન્ય દેશોએ પણ ભારત સાથે એકજૂથતા વ્યક્ત કરી છે.
કાશ્મીરમાં ટૂરિઝમ પર અસર: 500થી વધુ બુકિંગ્સ રદ્દ
પહેલગામ હુમલાએ કાશ્મીરના ટૂરિઝમ ઉદ્યોગ પર ગંભીર આઘાત પહોંચાડ્યો છે. ટૂર ઓપરેટર્સના અંદાજ મુજબ 500થી વધુ હોટલ અને ટૂર બુકિંગ્સ રદ્દ થઈ છે. જમ્મુ-કાશ્મીર ટૂરિઝમ ડિપાર્ટમેન્ટે 24×7 હેલ્પલાઇન શરૂ કરી છે.
હુમલાની જગ્યાએ વધુ સુરક્ષા: પહેલગામ-અનંતનાગમાં મલ્ટી-લેયર ચેકિંગ
હુમલા બાદ પહેલગામ અને અનંતનાગ જિલ્લામાં સુરક્ષા વધારવામાં આવી છે. મલ્ટી-લેયર ચેકિંગ, નાઇટ પેટ્રોલિંગ અને ડ્રોન સર્વેલન્સ શરૂ કરવામાં આવ્યું છે. સીઆરપીએફ અને સ્થાનિક પોલીસની સંયુક્ત ટીમે જંગલી વિસ્તારોમાં કોમ્બિંગ ઓપરેશન ચલાવ્યું છે.
પહેલગામ હુમલા બાદ ટૂરિસ્ટ્સ માટે હેલ્પલાઇન નંબરો જાહેર
અનંતનાગ પોલીસે પહેલગામ આતંકી હુમલામાં પીડિત થયેલા ટૂરિસ્ટ્સને સહાય અને માહિતી પૂરી પાડવા માટે પોલીસ કંટ્રોલ રૂમમાં ડેડિકેટેડ હેલ્પ ડેસ્ક સ્થાપિત કર્યું છે. આ હેલ્પલાઇન નંબરો પર ટૂરિસ્ટ્સ તેમ જ તેમના સગાં-સંબંધીઓ સંપર્ક કરી લેટેસ્ટ અપડેટ્સ મેળવી શકશે:
• અનંતનાગ હેલ્પ ડેસ્ક:
📞 9596777669
📞 01932-225870
📱 વોટ્સએપ હેલ્પલાઇન: *9419051940*
• શ્રીનગર ઇમરજન્સી કંટ્રોલ રૂમ:
📞 0194-2457543
📞 0194-2483651
• એડિશનલ ડેપ્યુટી કમિશનર (ADC), શ્રીનગર, આદિલ ફરીદ:
📞 7006058623
પોલીસ અધિકારીઓએ ટૂરિસ્ટ્સ અને સ્થાનિક લોકોને આ નંબરો પર કોઈપણ સહાય માટે સંપર્ક કરવાની અપીલ કરી છે. આ ઉપરાંત, સુરક્ષા અને મદદની વ્યવસ્થા વધુ સરળ બનાવવા માટે વધુ હેલ્પલાઇન સેવાઓ સક્રિય કરવામાં આવી છે.
📌 નોંધ: કોઈપણ આપત્તિ અથવા માહિતી માટે ઉપરોક્ત નંબરો પર તુરંત સંપર્ક કરો.
હુમલામાં બચેલા ગુજરાતી ટૂરિસ્ટનો અનુભવ
સુરતના હિતેશ પારેખ (32), જે હુમલામાં ઘાયલ થયા હતા, તેમણે જણાવ્યું:
“અમે ફોટો ખેંચી રહ્યા હતા ત્યારે અચાનક ગોળીબાર શરૂ થયો. મારા મિત્ર પ્રફુલને સીધા માથે ગોળી લાગી. હિતેશ સહિત ત્રણ ગુજરાતી ટૂરિસ્ટ્સ એઇમ્સ દિલ્હીમાં ઇલાજ કરાવી રહ્યા છે.
વિદેશી મૃતકોના શબ દેશોને પાછા મોકલવાની તૈયારી
હુમલામાં મૃત્યુ પામેલા યુએઈ નાગરિક અહમદ અલ-ફારિસી અને નેપાલી નાગરિક સંજીવ ગુરૂંગના શબોને તેમના દેશોમાં પાછા મોકલવાની વ્યવસ્થા કરવામાં આવી રહી છે. વિદેશ મંત્રાલયે દુબઈ અને કાઠમંડુ સાથે સંકલન કર્યું છે.
પીડિત પરિવારો માટે વિશેષ સહાય
• કેન્દ્ર સરકારે દરેક મૃતકના પરિવારને 20 લાખ રૂપિયાની સહાય જાહેર કરી
• ઘાયલોને 5 લાખ રૂપિયા સુધીની સહાય
• જમ્મુ-કાશ્મીર સરકારે શબોના ઘરે પહોંચાડવાની મફત વ્યવસ્થા કરી
