DoTએ 5જી ઇનોવેશન હેકાથોન 2025ના પ્રારંભની જાહેરાત કરી

ડિપાર્ટમેન્ટ ઓફ ટેલિકોમ્યુનિકેશન્સ (ડીઓટી) દ્વારા 5G ઇનોવેશન હેકાથોન 2025ની જાહેરાત કરવામાં આવી છે. આ કાર્યક્રમ સામાજિક અને ઔદ્યોગિક પડકારોને હલ કરવા માટે 5G-આધારિત નવીન સોલ્યુશન્સના વિકાસને ગતિ આપવાનો છે. વિદ્યાર્થીઓ, સ્ટાર્ટઅપ્સ અને વ્યાવસાયિકો માટે ખુલ્લો આ હેકાથોન 100થી વધુ 5G યુઝ કેસ લેબ્સમાં માર્ગદર્શન, ફંડિંગ અને સુવિધાઓ પ્રદાન કરશે, જે સહભાગીઓને તેમના સ્વપ્નદ્રષ્ટા વિચારોને સ્કેલેબલ ટેકનોલોજીમાં રૂપાંતરિત કરવામાં મદદ કરશે.

આ હેકાથોનમાં એઆઈ-સંચાલિત નેટવર્ક જાળવણી, આઈઓટી-સક્ષમ સોલ્યુશન્સ, 5G બ્રોડકાસ્ટિંગ,સ્માર્ટ હેલ્થકેર, કૃષિ, ઔદ્યોગિક ઓટોમેશન, નોન-ટેરેસ્ટ્રીયલ નેટવર્ક્સ (NTN), D2M, V2X અને ક્વોન્ટમ કમ્યુનિકેશન જેવા ક્ષેત્રોમાં 5G એપ્લિકેશન્સ પર ધ્યાન કેન્દ્રિત કરવામાં આવશે

સહભાગીઓને વાસ્તવિક-વિશ્વની સમસ્યાઓના નિરાકરણ માટે 5Gની સુવિધાઓ જેવી કે નેટવર્ક સ્લાઇસિંગ, સર્વિસ ક્વોલિટી (QoS) અને કોલ-ફ્લો સિનારિયોસનો ઉપયોગ કરવા પ્રોત્સાહિત કરવામાં આવશે. આ કાર્યક્રમ સહભાગીઓને તેમની નવીનતાઓને આગળ લઈ જવા માટે સપોર્ટ મિકેનિઝમ પણ પ્રદાન કરશે, જેમાં તેમની આઈપી સંપત્તિના વ્યવસાયિકરણ માટે આઈપીઆર ફાઇલિંગમાં સહાયનો સમાવેશ થાય છે.

કાર્યક્રમનું માળખું અને સમયરેખા

હેકાથોન કેટલાક તબક્કાઓમાં આયોજિત છે, જેમાં દરેક તબક્કો વિચારોને પોષણ અને વિકાસ આપવા માટે રચાયેલ છે:

1. પ્રસ્તાવ સબમિશન (15 માર્ચ – 15 એપ્રિલ 2025):
   સહભાગીઓને તેમના વિચારો રજૂ કરવા, સમસ્યાનું નિવેદન, સૂચિત સોલ્યુશન અને અપેક્ષિત અસરની રૂપરેખા આપવા આમંત્રણ છે. દરેક સંસ્થા ડીઓટીને પાંચ પ્રસ્તાવો સબમિટ કરી શકશે, જેમાંથી પ્રાદેશિક સમિતિઓ શ્રેષ્ઠ પ્રસ્તાવો પસંદ કરશે.
2. પ્રાદેશિક શોર્ટલિસ્ટિંગ:
   પસંદ થયેલી ટીમો (150-200 પ્રસ્તાવો) તેમના વિચારોને વધુ વિકસાવવા માટે માર્ગદર્શન મેળવશે. ટોચની 25-50 ટીમો પ્રગતિ તબક્કામાં આગળ વધશે.
3. પ્રગતિ તબક્કો (15 જૂન – 15 સપ્ટેમ્બર 2025):
   પસંદ થયેલી ટીમોને તેમના પ્રોટોટાઇપ્સ વિકસાવવા માટે રૂ. 1,00,000નું બીજ ભંડોળ મળશે. આ દરમિયાન, 5G યુઝ કેસ લેબ્સની ઍક્સેસ, માર્ગદર્શન અને પરીક્ષણ સુવિધાઓ પ્રદાન કરવામાં આવશે. જો કોઈ સોલ્યુશન આઈપીઆરમાં રૂપાંતરિત થઈ શકે, તો તે માટે સહાય પણ આપવામાં આવશે.
4. મૂલ્યાંકન અને પ્રદર્શન (સપ્ટેમ્બર 2025ના અંતમાં):
   ટીમો તેમના પ્રોટોટાઇપ્સને ટેકનિકલ એક્સપર્ટ એવેલ્યુએશન કમિટી (TEEC) સમક્ષ રજૂ કરશે, જેમાં સરકાર, શિક્ષણ અને ઉદ્યોગના 5-7 નિષ્ણાતો હશે. મૂલ્યાંકન નીચેના માપદંડો પર આધારિત હશે:
   • ટેકનિકલ એક્ઝિક્યુશન (40%)
   • સ્કેલેબિલિટી અને માર્કેટ રેડીનેસ (40%)
   • સામાજિક અને ઔદ્યોગિક અસર (10%)
   • નવીનતા (10%)
5. વિજેતાઓની જાહેરાત (ઓક્ટોબર 2025):
   ટોચની ટીમો ઇન્ડિયા મોબાઇલ કોંગ્રેસ (IMC) 2025માં તેમની નવીનતાઓનું પ્રદર્શન કરશે, જે દેશની સૌથી પ્રતિષ્ઠિત ટેકનોલોજી ઇવેન્ટ્સમાંની એક છે.

પુરસ્કારો અને માન્યતા

વિજેતાઓને નીચેના પુરસ્કારો આપવામાં આવશે:

• પ્રથમ સ્થાન: રૂ. 5,00,000
• રનર્સ-અપ: રૂ. 3,00,000
• બીજા રનર-અપ: રૂ. 1,50,000
• બેસ્ટ આઇડિયા અને મોસ્ટ ઇનોવેટિવ પ્રોટોટાઇપ: રૂ. 50,000 (દરેક)

ઉપરાંત, 10 લેબ્સને બેસ્ટ 5G યુઝ કેસ માટે પ્રશંસા પત્ર અને ઇમર્જિંગ ઇન્સ્ટિટ્યૂટ તરફથી બેસ્ટ આઇડિયા માટે સર્ટિફિકેટ આપવામાં આવશે.

કાર્યક્રમનો ઉદ્દેશ

રૂ. 1.5 કરોડના બજેટ સાથે આ કાર્યક્રમનો ઉદ્દેશ છે:

• 50થી વધુ સ્કેલેબલ 5G પ્રોટોટાઇપ્સ વિકસાવવા.
• 25+ પેટન્ટ જનરેટ કરવા.
• શૈક્ષણિક-ઉદ્યોગ-સરકારી જોડાણને મજબૂત બનાવવા.
• સ્ટાર્ટઅપ્સના સર્જનને ટેકો આપવો.

મુખ્ય તારીખો

• પ્રસ્તાવ સબમિશન: 15 માર્ચ – 15 એપ્રિલ 2025
• અંતિમ વિજેતાઓની જાહેરાત: 01 ઓક્ટોબર 2025
• પ્રગતિ અહેવાલો અને ટ્રેકિંગ: દ્વિ-સાપ્તાહિક

5G ઇનોવેશન હેકાથોન 2025 એ 5G ટેકનોલોજીની પરિવર્તનક્ષમ સંભાવનાઓનો ઉપયોગ કરીને સહયોગ અને નવીનતાને પ્રોત્સાહન આપવાનો પ્રયાસ છે. લેબ સંશોધન અને માર્કેટ-રેડી સોલ્યુશન્સ વચ્ચેનું અંતર દૂર કરીને, આ હેકાથોન ભારતને 5G નવીનતામાં અગ્રેસર બનાવવાની દિશામાં એક મહત્વપૂર્ણ પગલું છે.