આજે લોકસભામાં વકફ (સુધારા) બિલ ૨૮૮ મતોના પક્ષમાં મંજૂર થયું છે, જે દેશમાં પારદર્શિતા, વહીવટી સુધારા અને સમાવેશકતા તરફનું એક મહત્વપૂર્ણ પગલું ગણવામાં આવે છે. કેન્દ્ર સરકારે ભારપૂર્વક સ્પષ્ટ કર્યું છે કે આ બિલથી કોઈની પણ જમીન ગેરકાયદેસર રીતે સંપાદિત થશે નહીં.
કેબિનેટ મંત્રી શ્રી મંગલ પ્રભાત લોઢાએ આ બિલ પર પ્રતિક્રિયા આપતાં જણાવ્યું, “પ્રધાનમંત્રી શ્રી નરેન્દ્ર મોદીજીના નેતૃત્વ હેઠળની સરકારે દેશના નાગરિકોને ન્યાય આપવા માટે આ બિલ લાવ્યું છે. આદરણીય પ્રધાનમંત્રી, ગૃહમંત્રી અમિત શાહ અને સમગ્ર ટીમને હું અભિનંદન આપું છું.”
તેમણે જણાવ્યું કે આ બિલ પારદર્શિતા વધારશે અને સામાન્ય નાગરિકોના અધિકારોનું રક્ષણ કરશે. “વિપક્ષે કલમ ૩૭૦, સી.એ.એ અને રામ મંદિર પર ભય ફેલાવવાનો પ્રયાસ કર્યો હતો, પરંતુ કોઈપણ સમુદાયના અધિકારો પર કોઈ હુમલો થયો નથી,” લોઢાએ ઉમેર્યું.
તેમણે આગળ જણાવ્યું, “અમારી સરકાર ‘સબકા સાથ, સબકા વિકાસ’ની નીતિ પર અડગ છે. આ બિલથી ગરીબોની જમીનો કબજે કરવામાં આવશે નહીં અને વકફ મિલકતોમાં અનિયમિતતાઓ પર કાબુ મળશે. જમીન ટ્રાન્સફર પ્રક્રિયામાં પારદર્શિતા લાવતું આ બિલ ઐતિહાસિક સાબિત થશે.”
આ બિલને લોકસભામાં મોટાભાગના સાંસદોનો ટેકો મળ્યો છે, જે સરકારના સામાજિક ન્યાય અને સુશાસનના પ્રતિબદ્ધતાને દર્શાવે છે.
